NANA

NANA - Newborn's Automatic Number Assignment

Okay, newborn number 8,236,935 - welcome to the world!

NANA na diay na karon. hatagan ditso ug numero ang bag-ong natawo. Mao ba diay? Sa amo-a, dako na ang tawo una mahatagan ug numero sa SSS. Kanang naa nay panginabuhi. Kay ang bayranan sa SSS kuhaon man sa suweldo. Kung wa kay swerte, kaltasan imong sweldo pero dili diay to modangat sa hingtungdan. Mao ray gidangat ani.

Ug karon, maulahi na mi ni Badodong Parker nako. Mo-adto kami sa espesyalista sa mga bata para check up napod. Bisan didto na jud mi pagka Biernes sa mi-aging semana. Moadto nasad mi. Pastilan jud.

Important: If you have not named your baby, a Social Security Card cannot be issued.

UNSA??? Unya kay nisayo man ni'g gawas akong anak. Na-ahat jud kog desisyon ug ngalan ani. Wala man jud lain mahunahunaan. Gusto unta ko nga iparehas sa ngalan sa akong manghod ug mga ig-agaw. Kanang Carlo, Carl, Charles, Carlos, basta linya sa mga Carl.. Carmelitos para tam-is. Hay AMBOT!!! Di musugot ang amahan. Wa kuno'y lami.

Kung di palang ko kinakapoyan gikan sa pag-utong-utong ug maayu. Lami jud kasab-an. Unya kay ang bata, sa tinuoray katunga ra man jud ako ba... Ako'y utong, ang amahan mobayad sa bayranan nga pirting mahala. Sige nalang. mi-utong nalang ko. heheheh...

Ug mao tong nahimo nalang jud nga Parker si Badodong nako. Nindot man pod Parker, ingon ang mga nurse. Alang-alang ug musupak sila. Ngita'g tamparos?

Mao ni ang Handumanan sa usa ka bata nga kinahanglan makabaton ug numero. Pastilan!